طريقة تغيير خطوط الاندرويد في اجهزة سامسونج جالاكسي

طريقة تغيير خطوط الاندرويد في اجهزة سامسونج جالاكسي

الطريقة بسيطة وما بدا صلاحيات روت باجهزة السامسونج جالاكسي
اول شي لازمنا واحد من البرنامجين
1- iFont
2-HiFont

والبرنامجين بيشتغلو على نفس المبدأ وتقريباً فروق بسيطة بالخطوط يلي موجودة اساسية فيهن

بالصورة التالية واجهة لبرنامج هاي فونت

وهلق بعد ما نفتح البرنامج رح نروح نشوف شو في خطوط تحت مسمى العربية يعني خطوط عربية وتقريباً رح تكون موجودة أغلب الخطوط الشائعة فيه وبتختار الخط يلي بدك اياه وبتعملو تعيين وبعدا بيتحمل الخط وبتثبتو وكأنو أي تطبيق تثبيت عادي apk
وبعدا بتروح للاعدادات وبعدين للشاشة وبتنزل على خيار الخطوط وبتختار الخط يلي حملتو

وهلق اذا ما عجبك ولا خط من الخطوط الموجودة بالبرنامج وحبيت مثلاً تركب خط عاجبك عالكمبيوتر مثل Arial , Tahoma, Andalusi اي خط بس مهم يكون بيدعم العربي 

اول خطوة بتروح متل مو مبين بالصورة السابقة للاعدادات والخطوط وبتختار اي خط ثاني غير الافتراضي 
وبعدا بتنسخ الخط من الكمبيوتر, مثلاً بتفوت لمجلد الخطوط بالقرص C جوا مجلد Windows بعدين Fonts
اختار الخط العربي يلي بيعجبك وانسخو لجهازك جوا مجلد iFont او hifont يعني حسب التطبيق يلي رح تستخدمو لتغيير الخط
بعدين بتفتح البرنامج وبتروح لخيار مخصص ورح تلاقي جواتو الخط يلي انت اخترتو وبتعملو تعيين وبتوافق عالطلبات تبع البرنامج
بعدين رح يعمل الجهاز اعادة تشغيل ورح تلاقي انو الخط العربي مفركش ومو واضح
عادي لا تهكل هم , فوت عالخيارات تبع البرنامج وكمان متل يلي بالصورة فوق وبتروح بتختار الخط الافتراضي يلي هو نفسو الخط يلي نسختو من الكمبيوتر

روابط تحميل التطبيقات:
1_ تطبيق iFont من رابط خارجي يدعم الاستكمال
2_ تطبيق HiFont من رابط خارجي يدعم الاستكمال

وانشالله يكون الشرح كافي ووافي واي استفسار فيكن تبعثو اسئلتكن هون بالتعليقات أو على الفيسبوك إن كان بصفحة تكنولوجيا المعلومات أو WeChat Swaida

#KINANOOO